Mér datt í hug að skrifa smá um stuðninginn sem verður að vera á Þórsvelli í sumar, eftir að ég las pistil eftir Alexander Frey á fótbolta.net. Hann er að benda á hvað virkur stuðningur er mikilvægur. 

Þó að Mjölnismenn styðji við liðið á hverjum einasta leik, þá er það ekki þannig að þið sem sitjið upp í stúku þurfi að halda kjafti allan leikinn, megið alveg taka undir lögin. Það er enginn að fara tala um það næsta dag "Kiddi raulaði með Mjölnismönnum á leiknum í gær, alveg fáránleg hegðun". Maður þarf ekki að skammast sín fyrir að styðja liðið sitt.

Það vantar stuðning frá "snobbaða" fólkinu upp í stúku, þó ekki nema að taka undir í nokkrum laglínum. Þá er ég ekki að tala um að menn þurfi endilega að vera í bol og merktir Mjölnismönnum. Það má alveg myndast stemmning þó svo að við séum ekki að berjast um að komast upp. Við munum líkalega ekki vinna hvern einasta leik í sumar en stemmningin verður að vera samt til staðar.

Fólkið sem að heyrist ekkert í á leikjum er oft fyrsta fólkið sem gagnrýnir stuðningsmennina. Það fólk fær líka þann heiður að vera kallað "shitface", enn það er bara gaman af því.

Mætum á völlinn með opinn munn!